നോയിഡയിലെ ഐടി സ്ഥാപനത്തിലെ കഫ്ത്തീരിയ കൊവിഡ് ആശുപത്രിയാക്കി ടെക് മഹീന്ദ്ര

0

നോയിഡ: നോയിഡയില്‍ ഐടി സ്ഥാപനത്തിലെ ഭക്ഷണശാല കൊവിഡ് രോഗികള്‍ക്കുള്ള കെയര്‍ കേന്ദ്രമാക്കി ടെക് മഹീന്ദ്ര. ഫോര്‍ട്ടിസുമായി ചേര്‍ന്നാണ് ഭക്ഷണശാല 40 ബെഡുള്ള കൊവിഡ് ആശുപത്രിയാക്കിയത്. നോയിഡയിലെ സ്പെഷ്യല്‍ ഇക്കണോമിക് സോണിലാണ് ഈ ആശുപത്രിയുള്ളത്.

ദില്ലിയിലും പരിസരങ്ങളിലും രോഗികള്‍ ആശുപത്രികളില്‍ ബെഡ് പോലും കിട്ടാതെ നിരത്തിലും ആശുപത്രിക്ക് മുന്നില്‍ നിര്‍ത്തിയിട്ട വാഹനങ്ങളിലും ആംബുലന്‍സിലും കിടന്ന് ജീവന്‍ നഷ്ടമാകുന്നതിനിടയിലാണ് ടെക് മഹീന്ദ്ര ഓഫീസ് ഇടം കൊവിഡ് ആശുപത്രിയാക്കുന്നത്. 40 ബെഡുള്ള ഈ ആശുപത്രിയില്‍ ഇതിനോടകം 35 കിടക്കകളില്‍ രോഗികളുണ്ട്. ഇവരില്‍ ആരും തന്നെ ഗുരുതരാവസ്ഥയില്‍ ഉള്ളവരല്ലെന്നാണ് റിപ്പോര്‍ട്ട്.

ചെറിയ ലക്ഷണങ്ങളുമായി എത്തുന്ന രോഗികളെയാണ് ഇവിടെ ചികിത്സിക്കുന്നത്. ഏപ്രില്‍ 24 മുതല്‍ ഈ പ്രത്യേക ആശുപത്രി സേവനം ആരംഭിച്ചിരുന്നു. തുടക്കത്തില്‍ സ്ഥാപനത്തിലെ ജീവനക്കാരെ സഹായിക്കാന്‍ വേണ്ടിയായിരുന്നു ഈ ആശുപത്രി തുറന്നത്. എന്നാല്‍ ജീവനക്കാരല്ലാത്ത രോഗികളെയും നിലവില്‍ ഇവിടെ ചികിത്സിക്കുന്നുണ്ട്. ഓക്സിജന്‍ സൗകര്യം നല്‍കുന്നത് ഫോര്‍ട്ടിസ് ആശുപത്രിയിലെ ഡോക്ടര്‍മാരാണെന്ന് ടെക് മഹീന്ദ്രയുടെ വക്താവ് വിശദമാക്കി. ടെക് മഹീന്ദ്രയുടെ ശ്രമങ്ങളെ അഭിനന്ദിച്ചുകൊണ്ട് മഹീന്ദ്ര ഗ്രൂപ്പ് ചെയര്‍മാന്‍ ആനന്ദ് മഹീന്ദ്ര ട്വീറ്റ് ചെയ്തു.

LEAVE A REPLY

Please enter your comment!
Please enter your name here